兒童節產檢

24週終於開始qe 見醫生既產檢, 比我想像中hea好多, 首先去到磅重量血壓, 已經去到57kg 了, 比起未有bb 時, 大約重左6,7 kg, 我目標係成個孕期重唔超過25至28磅, 甘對我同bb 都最健康。

之後驗小便,見醫生, 以為有得同bb 見面, 原來只係好hea 既觸檢, 摸下肚仔, 不過醫生都有用胎心機聽到bb好大聲既心跳。 醫生話bb 暫時係中碼b, 即係最標準既size la, haha

下次就係我最擔心既下一個關口- 驗糖尿

神奇的胎動2

繼續講下胎動情況, bb 既聽覺發展真的很好, 不論日常我上司給我開會, 聽講座, 有音樂時, 亞b 都踢得特別起勁, 讓我知道佢起入面好健康甘成長。

繼續我既胎教活動, 除左聽音樂, 玩玩新遊戲, 叫bb 名之後, 起左邊肚皮拍2拍, bb 會在同一位置踢一踢, 再起右邊拍拍, bb 會在右邊回應你, 當bb 做到時, 你真係覺得莫名既開心, 當然唔係次次都做到, 要練習ga, haha,...

近期發現一樣令亞b 踢得再活躍既就係爸爸手按著肚皮唱歌, 亞b 仲要向住爸爸又大又溫暖的手掌踢, 真係好乖巧, 看來bb 既音樂細胞真係唔錯

神奇的胎動

踏入19週, 胎動就非常明顯了, 一下一下甘踢, 真係好真實, BB好活潑, 腳仔應該好有力, 有時會好用力甘踢, 一日都踢好多次, 我發覺通常我食緊野或者食完野阿B就最活躍, 書仔話而家BB已經可以感受到媽媽食既野的味道, 可能佢覺得好好味所以係甘踢, haha~

除左食野, 外來既聲音都會令bb突然活躍, 曾經起一個充滿好強鼓聲既地方逗留, bb前所未有踢得劇烈, 可能真係嚇親佢。每晚爸爸同佢傾計, 佢都會俾曬反應踢得好勁, 好似真係識聽, 所以胎教真係有跟據~

21週私家產檢
今次照了3d, 好清楚睇到bbbb好似著左件衫仔甘, 醫生話bb好活潑, 起肚仔入面做瑜家, 將腳趾放入口, 真係超可愛!

花膠鮮奶燉蛋白

懷孕食得最多一定係這味: 鮮奶蛋白燉花膠, 真係又潤又補, 自己又整下, 親戚又整下, 希望bb出黎白白淨, 冰雪聰明啦!

 

 

 

我的做法好簡單, 之前已經用薑浸發好曬d花膠放起冰箱, 要用就可以即刻整黎食, 將適量既糖撈入已解凍的花膠, 再加入兩盒鮮奶同三隻蛋白, 慢火燉15分鐘就完成啦, 甘樣整唔會流失左牛奶既營養, 又慳返d柴火, haha, 每個人做法唔同, 各取所需

19週照結構

尋日去左qe照結構, 等左成粒鐘先開始, 我都唔明, 如果你lunch hour係食到兩點半, 點解要約人1:30 stand by呢, 梁生仲起側邊話我細個未睇過公立醫院, 話公立醫院一向都係甘等….等都要等得有道理ma, 平時私家睇婦科都閒閒地等2粒鐘, 但你眼見好多人睇緊wor, 唔似得尋日根本係lunch hour, 但就叫人黎白等,

等了一粒鐘, 終於照了十分鐘既結構, 心肝脾肺腎都睇得好清楚, 好正常, 係bb女黎ga, 我黎緊就可以主力買好多靚靚既bb衫俾bb lu~

2月BB展

通常每年既2月, 8 月都會舉行大型bb展, 今次同梁生拖喼去見識見識~

去bb展事前一定要做足準備免得連入場費都蝕埋, 首先, 去之前一定要準備定一大堆寫有個人資料的label方便入會, 如果到時每個counter先慢慢寫, 真係蚊都訓~~ 資料包括名, email, 地址, 電話, 預產期等等, 其實, 大肚之後不斷入媽媽會, 個人資料一早已disclose了, 沒甚麼私隱可言…..

除了label, 就係一個喼, 當日我地一個吉喼去, 一喼一車仔加2大袋返, 如果唔拖喼, 你心旁的人一定會後悔, 因為我地一定係兩手fing fing, 先生在旁就會拎到隻野甘~

依d就係我地當日免費既戰利品

 

其次要俾錢既都買左d清潔用品, 薑醋, 毛巾等等….其實純講價錢, 同一田, 吉之島既bb展不相百仲, 不過當體驗下, 拎下禮物甘law….

空間大改造

或說人生第一間物業有天台,有露台時, 就覺得有點無無謂謂, 之後換樓覺得用十幾廿萬買個露台好浪費, 但後來發現.....原來現今香港地寸金尺土, 露台係好緊要GA....

 

未有B前, 細房作用就係用黎掠衫....

 

 

而家, 當然要FREE返間房出黎放BB野啦..... 聽同事介紹買左天上野既好易掛, 唔駛鑽牆, 將夾夾起兩邊窗框就可以...嘩! 簡直係偉大既發明.....

 

 

成間房多左好多空間, 好實用, 諗住再買多個放起廳到掠BB衫, 1套唔駛200元, 實在節省不少空間呀!

馬年到了

新一年祝大家心想事成, 馬到功成! 終於過左犯太歲既蛇年, 希望馬年可以順順利利, 同BB一齊身體健康!



 

 

 

年初一都叫做好得7788, 可以出去拜年, 不過一到半夜D痰就湧出黎, 咳到傻, 起度就真係要特別讚揚Mr. LEUNG, 有左BB之後有好多野都要攪到佢, 好似我之前周身痕, 痕到訓唔到, 就要梁生半夜起身幫我R背脊, R到訓著為止 (好鍾意俾人R背, 超舒服); 之前半夜咳得緊要, 半夜要佢幫我掃背等我冇咁辛苦, 有時半夜失眠又會叫醒佢同我傾計, 梁生其實都幾慘, 不過.......都係冇得訓姐, 比起我又痕又冇得訓, 又成日周身唔至在....算好舒服了....

 

 

初三- 廸欣湖郊遊去

 

病左甘多日, 初三出外呼吸一下新鮮空氣

 

 

生病了

成日聽人話大肚婆抵抗力差D, 同埋唔可以亂食藥, 所以有左之後都好小心, 免得被傳染, 之前幾次打乞CHI作感冒都係靠即刻飲維C+鋅就好返, 所以屋企大量入貨....

 

 

好可惜, 今次真係病成左, 同之前好唔同, 今次好明顯係流感病徵, 半日內鼻水, 咳, 頭痛出現曬, 維他命都冇用了.....雖然話大肚唔好亂食藥, 但我勸大家最好病向淺中醫, 因為而家D菌太惡了, 少少感冒都可以好嚴重.....因為第2日甘o岩係產檢, 所以諗住一次過睇, 去到先探熱, 竟然有39.X度, 我自己都唔知甘高, 醫生話肚入面起碼高多度, 所以會影響BB, 夜晚都唔退燒就要入院吊鹽水la....o個日已經係年29, 當然唔希望起醫院過年甘大吉利是啦.....好可惜..夜晚仲係熱辣辣, 最終都要call 白車去左轉博愛醫院, call左白車冇耐, 就有3個專業既救護員上黎, 先幫我探熱, 量血壓, 初步話我係甲型流感, 途中我同其中救護員吹水, 問佢我會唔會有H1N1, 佢就話只要我冇接觸過活家禽應該冇事, 我同佢講: 我見雜誌蘇C黃都話冇接觸過家禽WOR...佢好似唔知我講咩... 不過anyway, 我真心覺得救護員係好專業, 好值得尊重既專業人士........

好在...最後唔駛住院, 退燒後零晨兩點就返得屋企lu.....希望經過今次, 有左抗體, 唔會再有同類流感啦.......

講返產檢, 1個月1次既私家照超聲波, 由於亞b反轉訓,所以睇唔到佢係仔定女...唯有又要等成個月lu....不過見佢起入面郁黎郁去, 好得意ga, 醫生話佢size正常, 都已經好安心...

 

補品

 

孕婦維他命 - 人食我又食

海藻DHA - 現今污染太勁, 醫生叫一星期唔好食多過兩餐魚, 所以唯有食補充品等BB聰明D

孕婦裝

大多數媽媽既CONCEPT都係唔想額外浪費買孕婦裝, 因為只能著好短時間, 但我絕對相信, 起懷孕婦女既內心深處確實想擁有一件(OR MORE)屬於自己既靚靚孕婦裝..

我沒有刻意找孕婦衫, 只是開始留意一D比較長身同寬身, 生完又著得番既衫, 一係見唔到, 一黎就買下好幾件超喜歡, 超鍾意既casual wear...

 

 

 



4件有3件都係粉紅色...好靚靚呀..hehe...除左衫, 仲買左孕婦牛仔褲同底底....雖然唔係著得好耐, 但有種新屎坑的感覺

 

12週- 大肚婆的特徵

大肚婆除左尿頻, 通常肚餓依D特徵, 其實有D特徵都幾攪笑...

1) 口水分泌多
有左BB之後, 發覺經常漏口..HAHA..食野會趺d起枱, 初頭都覺得好奇怪, 之後睇返資料話大肚口水分泌會增加..的確....而家有時講講下野會流口水...HAHA..好誇張

2) 冇記性
大學畢業後已經愈黎愈冇記性, 大肚後更甚...多次唔記得帶鎖匙返屋企, 尋晚梁生本身去飲, 我7:30返到屋企先發覺冇帶鎖匙, 梁生被迫放低人情返黎救我, 我真係十萬個唔好意思, 所以請左梁生食佢愛的中菜...兩個人叫左個4人餐, 4餸1湯, 好CRAZY...

12週個肚大得好快, 幾乎個個見到都知我有左....唔知去到幾時先會有人讓坐呢...hehe

 



11週 驗唐氏

11週既肚仔已經好似幾凸, 可能因為我食量有返甘上下, haha...之前都講過, 依期好like pizza 同公仔麵, 已經重左4.幾磅, 我諗係時候要節制一下飲食了..... 我唔想變左個肥師奶....

今日去左qe驗唐氏, 依個係懷孕其中一個關口, 所以都有d緊張, 照超聲波照左好耐, 見到亞b已經有5.x cm長啦, 正常bb 11週應該係3.x cm左右, 梁生見到都話甘長會唔會係男仔呢? haha....亞b已經有曬手仔腳仔好清楚, 第一次見到佢起入面好似蜈弓彈甘郁, 好得意亦都好實在, 照到頸皮size正常, 如果依2個星期冇收到電話就過第一關lu~~~~~

媽媽講座

做左媽媽後當然不斷APPLY各媽媽會, 不論奶粉, 尿片, BB用品既媽媽會, 入會可享有不同既禮品, 知識同優惠, 仲可以參與佢地舉辦既免費講座, 聽講座既另一目的當然係為左佢地既禮品啦, 去左兩次已經有甘多LA...haha

 

其實依類講座都幾有用, 會示範點樣換片, 掃風, 沖涼洗頭, 飲食習慣等等

懷孕初體驗

近來沒有特別事, 平平淡淡到了第11週, 總結一下有左BB之後既特別FEELING~

初頭既感覺同大部份媽媽講既一樣:

1) 子宮有扯住既感覺, 試過未驗到之前訓覺轉身會扯住痛
2) 眼訓 (少少FEEL, 因為我平時都成日眼訓, 不過到4-8週時就真係一到下午就好眼訓zzzzzz)
3) 心跳明顯, 唔係經常, 只係忽然有1-2分鐘心跳得好重
4) 尿頻 (4-8週的日子最明顯, 一晚大約起2-3次身, 所以睡眠質素都好差)
5) 胸持續漲痛 (同谷m一樣)
6) 易餓, 口味轉變 (平時已經好大食, 有左就更易肚餓, 而且口味真係有d變, 好鍾意食'立雜' 野, 以前唔好出前一丁, 而家就好鍾意食豬扒丁麵, pizza, 豬柳旦漢堡....反而我以前餐餐都會食菜, eg.菜心, 但唔知點解而家一食菜心就好想嘔, 反而冇甘纖維既生菜, 西蘭花都仲可以接受, 特別係腥味, 而家開始連花膠都唔想食)
7) 刷牙一定會作嘔 (由開始懷孕到現在都係, 一刷到大牙一定會作嘔)

值得開心係我到而家都仲未嘔過..(touchwood~~~~~)

到了8週後, 突然間有一晚上述大部份感覺消失了, 不再眼訓, 肚冇扯, 胸冇甘痛, 甘多樣加埋真係嚇死我, 以為有咩事...嚇得我第日又走去睇醫生, 好在...醫生話因為身體慢慢適應左, 徵狀就會慢慢舒緩, 至到而家11週, 感覺真係好虛無, 除左個肚大左d外, 其餘都冇咩特別感覺

10 weeks QE 第1次見姑娘

平安夜第一次到QE抽血見姑娘, 心情有少少興奮, 因為算係第一次做公立產前的檢查, 雖然知道只是簡單的抽血同面見, 但都有D期待...

我們排的已經是QE的公務員隊伍, 但依然係好多人, 一大朝9:00 去到已經係一PAIR PAIR坐曬起門口了, 今次都算快, 唔駛1個鐘就有得抽血, 抽血一向是我好驚的關口, 每次抽血, 都係被拮曬兩隻手, 貼住多塊膠布離開, 事關我的血管超幼, 而且一緊張就自動隱藏, 曾經試過轉不同SIZE既針, 用到BB針都抽唔到, 當然.......今次亦不例外, 一提高衫袖, 姑娘第一句已經係: 你兩隻手都甘幼GA????? 唉...我見佢的反應, 都心知今次又係受難, 先拮右手, 支針拮左入去再360度旋轉搵血管, 我連眼都不敢睜開, 折磨左一陣, 抽左幾滴, 先話不如轉手吧...我都NO SAY ga la...轉手後經一番折騰, 最終抽了5大筒血, 當然, 兩隻手回家都係瘀了................

抽完血, 就等見姑娘, 對qe既印象真係超GOOD, 見我的姑娘NICE到爆燈, 非常詳細講解我黎緊要做咩, 幫我安排曬唐氏, 結構同糖尿既檢查, 簡直係一條龍服務, 佢仲提我要寫低分勉時入院的幾個要求, 包括UPGRADE 2等房, 陪產同無痛分勉等.......

產檢

自從訓過一晚屯門醫院後, 深深覺得我們的特首起依方面的確值得一讚, 當機立斷即停雙非, 入院所見, 至少我的病房內8個人全部都係香港人, 唔駛令到香港媽媽要同大6人爭床位......

不過, 其實香港媽媽只係取回最最最BASIC的權利, 懷孕中的福利絕對被人剝削...拎住懷孕證明去BOOK公立醫院, 當時只是11月, 其中QE可以12月見1次姑娘(睇你情況有冇得驗唐仔, 唔一定有), 之後要去到4月先第一次見醫生, 真係見幾次都生得.....>_<, 廣華仲衰, 見姑娘既機會都冇, 直接同你講中間所有檢查自己搵私家做........算了吧, 反正一向都不能靠政府, $解決到的問題就不要為它動氣了......

大約6週時, 看了第一次私家產檢, 照了超聲波, 見到嗎? 像膠囊般的就是胎囊, 胎囊內最左手面一少點芝麻的就是小寶寶了, 只有2mm ga ja, 好mini, haha...不過已經有閃閃了, 即係已經見到心跳, 閃下閃下, 好得意的, 醫生話佢真實週齡比計算少了一星期, 可能是排卵遲了, 一點也不出奇, 因為我平時period都係遲dd 的....

 

因為醫生知我之前入過醫院, 所以安排下次檢查時間都較密, 這幅就是9週時的寶寶, 由0.2cm增長到2.xcm la....就甘照照又要放低幾舊水, 其實都幾浪費....



4 weeks : 第1次的驚慌

踏入第10週才開始寫這孕誌, 但其實..10星期已足夠折騰得你又驚又喜, 精神分裂~~

識我的人都知道我的工作是要經常外勤, 即使係腹大便便, 我亦要出街出到生為止, (很不仁道, 很冇人性嗎? 是!我絕對應同) , 而熟我的人更清楚我是緊張大師上身, 確確實實的一名...淆底獸!

暫時最令我刻骨銘心莫過於第1次恐慌, 當時只有約4週........

當日工作有operation, 以為有車坐, 應該影響不大, 但原來, 有車坐不是大曬, 那可惡的屯門公路, 凹凸不平, 架車由屯門鄧到出淘大, 再做了一番文件後, 放工返到西鐵站, 去洗手間, 發現第一次既流啡, 有好多人會話大肚見紅好common姐....但相信亦聽過大肚頭3個月小x既機會率高達25%, 即係4個有1個....... 當時, 真係嚇到呆左, 不知所措, 在西鐵站喊了出來(一向唔要面), 即刻打俾有生仔經驗既朋友求救, 之後就打俾梁生...當時喊到講唔到野, 梁生即刻黎站接我去博愛睇急症...

自我有記憶以來, 都未去過急症室, 因為人所共知, 會等到嘔血, 不過大肚婆係例外的, i am nearly the biggest there! 加上我個樣...>_<對住個分流人員一路喊一路講, 就真係變左"急症"了, 不出20分鐘就見醫生, 醫生可能又係見到我個樣, 加上我的描述, 他懷疑我是宮外孕, 就即刻用bibu車車左我去屯門醫院留院檢查.......

 

去到屯門醫院仲要用輪椅車我上房, 真係好似好嚴重甘.... 就這樣, 我就要在醫院訓一晚了, 但重點係...settle down 後已經係9點幾, 晚餐時間已過....我當晚就只有不停拎房前免費給病人的牛奶同小餐包食...真係慘~~~~

 

慶幸的是, 第二日照過曬, 睇到寶寶仍痴住我, 而且位置正確, 見完醫生就出院lu.....

 

經過今次, 我唔會再搵命博, 有咩事, 冇人會可憐你的~~~~~

終於成功了!

當大家見到這個BLOG的時候, 亦都係可以公佈好消息的時候了, 計劃中的寶寶終於出現, 前前後後大慨都準備了約10個月, 中間的辛酸相信部分計劃過的夫婦都經歷過, 包括量體溫, 用排卵試紙, 睇中醫, 食牛食蠔........等等, 終於, 上主安排了你成為我家的新成員了!!!!!

 

 

為準備寶寶的來臨, 家中已買入大量紅D, 綠D, 但以我既經驗可以同大家講, 太刻意製造係不會成事的, EVEN你準確知道邊日是排卵日....>_<... 相反, 同好多有經驗既媽媽說法一樣, 當你放棄既時候, 就係成功之時...HAHA

 

 

首次見到綠D有淺淺淺淺線, 當然買返支貴D既再TEST真D, 的確有好明顯既十字..YEAH! (其實一日後再去買左支再貴D既電子棒棒TEST, 錢就是這樣浪費的..wahahaha)

 

從此, 就開始了我的懷孕生涯了~